सलाम

जिन्दगी गोरेटो जस्तै रहेछ कहिले घुम्ती कहिले मोड
माया भन्ने यस्तै रहेछ कहिले मिलन कहिले बिछोड

पक्षपाती रहेछ दैब कसैलाई आँसु कसैलाई हाँसो
यो माया पनि कस्तो कसैलाई नासो कसैलाई पासो

जिन्दगीको रित यस्तै कहिले नजिक कहिले टाढा
पिरतिको गुन यस्तै कहिले फुल कहिले काँडा

कस्तो विचार रहेछ तिम्रो कसैलाई घात कसैलाई साथ
ढुंगाको मन तिम्रो कसैलाई हात कसैलाई लात

पिरती युद्ध जस्तै रहेछ कहिले हार कहिले जित
मायाको उपहारै यस्तै रहेछ कसैलाई अमृत कसैलाई बिष

चम्किरहने बस्तु रहेछ माया कहिले घाम कहिले जुन
मंहगीको बजार रहेछ माया कहिले चाँदी कहिले सुन

पिरतिको रुप कस्तो कसैलाई दुख्ने घाउ कसैलाई मलम

मलाई के पर्छ थाहा छैन त्यसैले मायालाई हृदयदेखि सलाम

बिकाश मल्ल (ठकुरी)