नेपाली भई जन्मे तिमी
नेपालमै बाचे
वीर बनी नाम कमाए
विरतामै नाचे
लड्न पनि तयार भए
यहिँ देशको लागि
मर्न पनि तयार भए
आफ्नो ज्यान त्यागी
तोप गोलाको सामुन्ने
खुकुरी नचाए
विदेशको पञ्जाबाट
नेपाललाई बचाए
केटाकेटी पनि लडे
बुढाबुढी पनि परे
बैरीसँग लड्दालड्दै
कयौं वीर मरे
सहिदको रगतले रंगिएको
कति राम्रो हाम्रो देश
विरतामै जन्मिएको
कति राम्रो हाम्रो देश
ईश्वर श्रेष्ठ
बुटवल
दु:खी हरुको सुख लिएर
अन्यायमा परेकाहरुको
न्याय लिएर आउनेछु
भविष्यमा यो देशको वीर बनेर
जनताहरुको आवाज बनेर
विधार्थीहरुलाई साथ दिएर
बुवा आमाको आँसु पुछ्न
आउनेछु फेरी अर्को राम बनेर
दु:ख र अन्यायलाई मेटेर
सु:ख र शान्ति ल्याएर
नेपाललाई चिनाउने छु
यो देशलाई स्वर्ग बनाएर
बुटवल, क्याम्ब्रिज इंग्लिश बोर्डिंग स्कूल
म हु नेपाली
देशको सुरक्षा गर्नेछु
आफ्नो देशको लागी
मर्न पनि तयार छु
यो देशमा क्रान्ति होइन
शान्ति म लिएर आउनेछु
भविष्यमा यो देशलाई
विश्व भर चिनाउने छु
बाग्लुंग , लेखानी
वारीबाट पारी हेर्नुको मज्जा बेग्लै थियो
मनमनै मन पराउनुको मज्जा बेग्लै थियो
नानीलाई पुलमा बसेर जिस्क्याउनुको मज्जा बेग्लै थियो
नानीको हाथ समाई तिनाउ खोला तर्नुको मज्जा बेग्लै थ्यो
क्याम्पस छुट्टि भै घरतर्फ लाग्नुको मज्जा छुट्टै थियो
नानीको साइकलको चापी लुकाउनुको मज्जा छुट्टै थियो
म संग मोटरसाइकल चढ्नुको मज्जा बेग्लै थियो
संगै तिनाउ पुल तर्नुको मज्जा बेग्लै थियो
नाम : राज कुमार फौदार
मोतिपुर-७, रानीबारी, रुपन्देही